Abrente Editora

:: Novidades

2007-12-25T06:49:00.000-08:00

Manual galego de língua e estilo

Autor/a: Maurício Castro, Bea Peres e Eduardo S. Maragoto
ISBN: 978-84-87305-25-2
Nº de páginas: 495
Preço: 25 euros
Descriçom: Esta obra formativa pretende preencher um espaço que o ensino e as redes culturais oficiais deixárom vazio. Trata-se de um instrumento de grande utilidade para as pessoas que usam o galego escrito coerentemente com a sua história e as outras variantes do mesmo oficial em oito países do mundo. [+info]

O pensamento de Che Guevara

Autor/a: Michael Löwy
ISBN:
Nº de páginas: 144
Preço: 12 euros
Descriçom: O Che que nos apresenta o companheiro Löwy nom é essa imagem de camisola adolescente, nem o idealista romántico, nem sequer só o guerrilheiro heróico, mas um dirigente comunista de primeiro nível. [+info]

Diário da Bolívia

Autor/a: Ernesto Che Guevara
ISBN: 84-933664-9-8
Nº de páginas: 221
Preço: 18 euros
Descriçom:O Diário da Bolívia, um conjunto de textos que conformam o diário da campanha guerrilheira iniciado a 7 de Novembro de 1966 e finalizado a 7 de Outubro de 1967, da autoria de Enesto Che Guevara, acabou de ser publicado pola primeira vez em galego-português da Galiza pola Abrente Editora. [+info]

A Galiza do Século XXI. Ensaios para a Revoluçom Galega

Autor/a: VVAA
ISBN: Nom tem ISBN!!
Nº de páginas: 170
Preço: 12 euros
Descriçom: Estes nove ensaios, realizados por activistas políticos e sociais, por historiadores, de ópticas político-ideológicas diversas, tentam compreender melhor a complexidade do nosso presente e contribuir assim para o desenvolvimento e avanço da Revoluçom Galega. [+info]

10 anos de imprensa comunista galega

2007-12-20T09:11:00.001-08:00

10 anos de imprensa comunista galega

Autor/a: VVAA
ISBN: 84-933664-4-7
Nº de páginas: 217
Preço: 18 euros
Descriçom: Este volume comemora essa pequena vitória que para os sectores mais conscientes do povo galego supom a continuidade de Abrente como periódico revolucionário e independentista. Poucas manchetes adscritas a esses parámetros políticos e ainda a outros de mais cómoda permanência podem afirmar ter ultrapassado a primeira década de regular e pontual cita com um corpo de leitores e leitoras fiéis como Abrente tem.

Mas quigemos também, com esta iniciativa editorial, fazer um público agradecimento a absolutamente todos os colaboradores e colaboradoras que figérom possível termos atingido o número 40. Como costuma acontecer, a falta de sectarismo na eleiçom de assinaturas para o tratamento dost emas de interesse para o nosso povo trabalhador achou umha resposta à altura das circunstáncias por parte dos ideologicamente diversos colaboradores e colaboradoras, sempre dentro do ámbito da esquerda galega e internacioanl.

Além da colaboraçom de teóric@s marxistas de reconhecimento mundial, agradecemos de maneira especial a participaçom de activistas do movimentos sociais galegos, desde o ambientalismo até o feminismo, o mundo da cultura ou a língua, o sindicalismo e a luita juvenil. A todos eles e a todas elas, o nosso agradecimento e umha sincera dedicatória através desta colectánea de 26 trabalhos publicados por alguns deles e delas no nosso periódioco entre 1996 e 2005, nesta primeira década de vida do que hoje é periódico decano em activo da esquerda independentista galega.

Comunismo galego do século XXI. Resoluçons III Congresso de Primeira Linha

2007-12-20T08:46:00.000-08:00

Comunismo galego do século XXI. Resoluçons III Congresso de Primeira Linha

Autor/a: Primeira Linha

ISBN: 84-930204-6-x
Nº de páginas: 57
Preço: 3 euros
Descriçom:No sábado 2 de Março de 2002, sob a legenda Comunismo galego do século XXI, tivo lugar em Compostela o III Congresso de Primeira Linha, em que o conjunto d@s delegad@s debatêrom e aprovárom a Tese Político-Ideológica e a Tese Organizativa, escolhendo o novo Comité Central para os três anos seguintes.

Na Tese Político-Ideológica, além de realizar umha análise sócio-laboral do nosso país, determinando com meridiana clareza que a Galiza é umha naçom periférica do centro capitalista e nom umha estrutura de classes homologável ao erroneamente denominado Terceiro Mundo, Primeira Linha elaborou umha análise da concreta morfologia da estrutura de classes da Galiza, constatando e quantificando a existência dumha burguesia própria que se benefícia e perpetua a situaçom de sobre-exploraçom e colonialismo a que se vê submetido o Povo Trabalhador. Burguesia que, com as suas respectivas fracçons associadas, tam só representa 10% da populaçom da Comunidade Autónoma Galega.

Além da reafirmaçom da ineludível necessidade de que o movimento de libertaçom nacional e social de género seja comandado pola classe trabalhadora e ao exclusivo serviço dos seus interesses, realizou-se umha profunda análise do período transcorrido entre Junho de 1999, -realizaçom do II Congresso e abandono do BNG-, e o ano 2002. Um período em que tivo lugar umha profunda mudança no seio da esquerda independentista, com a sua unidade orgánica em NÓS-Unidade Popular e o início da reorganizaçom e configuraçom do novo Movimento de Libertaçom Nacional Galego (MLNG).

A natureza de força política de vanguarda, de organizaçom de quadros, germe do partido comunista patriótico, os objectivos do movimento independentista e o papel d@s comunistas no mesmo, som outros temas tratados nestes textos, junto às sete grandes características básicas do socialismo galego, como primeiro passo da sociedade comunista. Um socialismo nom patriarcal, respeitoso com a natureza, pluralista e comprometido com a verdadeira democracia e as liberdades individuais e colectivas; que aposta sem ambigüidades pola aboliçom da propriedade privada dos meios de produçom, do dinheiro; que renuncia a dotar-se de exército regular; um socialismo criativo de novos seres humanos afastados de todos os vícios e defeitos de séculos de capitalismo; um socialismo global, internacionalista, comprometido com todas as luitas do planeta.

Eis o índice de matérias tratadas e aprovadas que recolhe este caderno:

1- TESE POLÍTICO-IDEOLÓGICA

1.1- Análise sócio-laboral da Galiza

1.1.1- Galiza, umha naçom periférica do centro capitalista mundial

1.1.2- A situaçom sócio-económica galega por sectores

1.1.2.1- Sector primário

1.1.2.1.1.- Sociedade rural e economia agrária

1.1.2.1.2- Galiza marinheira e economia pesqueira

1.1.2.2.- Galiza urbana e economia industrial

1.1.2.3.- Sociedade terciarizada: economia de serviços

1.2- Quantificaçom das classes na actual formaçom social galega

1.2.1- O Povo Trabalhador Galego

1.2.2.- Burguesia e fracçons associadas à classe dominante vs. Povo Trabalhador

1.3.- Conclusom. Maioria trabalhadora numha realidade social adversa

1.4- A Unidade Popular e a reorganizaçom do MLNG

1.4.1- Perspectivas da Unidade Popular e do MLNG

1.5- Modelo de Partido

1.5.1- Organizaçom de quadros

1.5.2- Força política inserida no MLNG

1.5.3- Germe do partido comunista patriótico

1.5.4- O Estado galego que necessita Galiza

1.6- O comunismo, meta da humanidade

1.6.1- Causas do afundimento da URSS

1.6.2- A globalizaçom e o fracasso do capitalismo real

1.6.3- O movimento anticapitalista

1.6.4- Perspectivas de umha conjuntura em plena modificaçom estrutural

1.6.5- Comunismo ou caos

1.7. UMHA ORGANIZAÇOM ANTIPATRIARCAL

1.7.1. Introduçom

1.7.2. A nova ofensiva machista e patriarcal do capitalismo

1.7.3. Algumhas medidas e actuaçons. O feminismo que Primeira Linha deve potencializar

2.-TESE ORGANIZATIVA

2.1- Estatutos

2.2- Modelo organizativo

2.3- Estatuto de Regime Interno de Disciplina (ERID)

3. ACORDOS DO III CONGRESSO

Revoluçom Galega. Resoluçons IV Congresso de Primeira Linha

2007-12-20T08:42:00.000-08:00

Revoluçom Galega. Resoluçons IV Congresso de Primeira Linha

Autor/a: Primeira Linha

ISBN: 84-933664-7-1
Nº de páginas: 495
Preço: 7 euros
Descriçom:Versom integral das resoluçons aprovadas no IV Congresso de Primeira Linha, decorrido em Ferrol a 16 de Dezembro de 2006. Um congresso em que foi analisada a dependência nacional galega, a partir de umha visom à história geral da Galiza desde a pré-história até a actualidade. Também se incluem modificaçons nos Estatutos do partido e outras mudanças de tipo organizativo.

Eis o índice dos conteúdos deste caderno que define as conclusons do máximo órgao de Primeira Linha na sua quarta reuniom desde a fundaçom, em 1996:

1. Tese Política: Análise da dependência nacional galega

0. Introduçom

1. A formaçom social galega. A construçom de umha naçom ao longo da história

1.1. Origens. Da pré-história ao Reino Suevo

1.1.1. @s primeir@s habitantes do território galego

1.1.2. A denominada cultura castreja

1.1.3. A Gallaecia romana

1.1.3.1. A romanizaçom

1.1.3.2. A Gallaecia no Baixo Império

1.1.4. A chegada do povo suevo. O Reino Suevo da Gallaecia

1.2. Galiza na Idade Média. Plenitude da configuraçom etnonacional

1.2.1. A Galiza na Alta Idade Média

1.2.2. A plenitude da Galiza feudal

1.2.3. Baixa Idade Média. Crise e conflito

1.3. Antigo Regime. Doma, castraçom e assimilaçom

1.3.1 A sociedade e a economia galega do Antigo Regime. Desenvolvimento marginal e endógeno

1.3.2. Instituiçons políticas e administraçom

1.4. A Idade Contemporánea. Galzia na configuraçom do Estado espanhol

1.4.1. A economia galega no capitalismo

1.4.2. A Construçom da naçom espanhola. A imposiçom de um novo aparelho estatal

1.4.3. As transformaçons da sociedade galega na Idade Contemporánea

1.4.3.1. A desapariçom do sistema de produçom agrária tradicional

1.4.3.2. O processo de transculturizaçom

2. A mutabilidade da opressom

3. A adscriçom nacional das elites sociais na Galiza do capitalismo

4. Galiza, colónia espanhola?

5. A percepçom atenuada

6. As limitaçons históricas do nacionalismo

7. A necessidade da Independência

8. A Revoluçom Galega

2. Tese Organizativa

2.1. Estatutos

2.2. Modelo Organizativo

2.3. ERID

3. Resoluçons

Para umha Galiza independente

2007-12-20T08:38:00.000-08:00

Para umha Galiza independente

Autor/a: VVAA. Coordenado por Domingos A. Garcia
ISBN: 84-930204-1-9
Nº de páginas: 447
Preço: 18 euros
Descriçom: Abrente Editora tem-se marcado entre os seus objectivos contribuir para a superaçom da falta de corpus teórico independentista. Cumpre estudarmos a nossa história, rachando a permanente peneira espanhola; cumpre elaborarmos teoria revolucionária para cada um dos campos de actuaçom social que a esquerda independentista, doravante, consiga acometer no longo caminho pola autodeterminaçom que temos de percorrer. E cumpre construirmos espaços estáveis de trabalho em comum entre todos os sectores sinceramente comprometidos com a causa da independência da Galiza.

O caderno que agora damos a lume pretende servir a essa vontade. E fai-no num dos ámbitos principais na configuraçom identitária da naçom galega: a expressom da sua diferença, como alguém definiu o valor da língua no sentimento e a consciência nacionais de um povo. No caso da Galiza, a situaçom da nossa comunidade lingüística representa na actualidade com grande fidelidade o momento que vive o povo galego.

Este volume é um primeiro contributo nessa direcçom. Além de umha primeira aproximaçom dos movimentos sociais na Galiza de 2000, estas páginas recolhem o testemunho de alguns dos principais actores vivos da militáncia independentista galega nas últimas décadas, apresentando-nos pola primeira vez numha obra escrita aspectos pouco conhecidos da luita pola independência na Galiza contemporánea.

A segunda parte da obra recolhe umha cronologia histórica da esquerda independentista, bem como um anexo documental com umha selecçom de textos da história do independentismo galego no século XX, que vai do Manifesto Independenza ou morte, do Comité Revolucionáreo Arredista Galego, em 1922, até os textos da Assembleia Fundacional da Assembleia Popular da Comarca de Compostela, em 2000.

Manifesto Comunista (2ª Ediçom)

2007-12-19T17:18:00.000-08:00

Manifesto Comunista (2ª Ediçom)

Autor/a: Karl Max e Fredereich Engels
ISBN:
Nº de páginas: 84
Preço: 15 euros
Descriçom: Em 1998, coincidindo com o cento e cinqüenta aniversário da primeira ediçom do Manifesto Comunista, a Abrente Editora, estrutura editorial de Primeira Linha, estreava-se publicando umha obra de inescusável leitura para qualquer militante ou simpatizante do ideal comunista.

Tendo servido desde 1848 de programa e guia fundacional para a acçom do incipiente movimento comunista, a validade e actualidade fundamental do ideário que sintetiza torna imprescindível o seu estudo por parte das comunistas e os comunistas galeg@s que em pleno século XXI luitamos pola plena emancipaçom humana através da própria libertaçom da Galiza como realidade nacional ameaçada.

O Manifesto, além de inaugurar a primeira colecçom da Abrente Editora, apresentou-se com o intuito declarado de popularizar as principais obras do marxismo entre os sectores mais avançados do povo trabalhador galego, objectivo a que temos dedicado importantes esforços com a publicaçom de mais de meia centena de obras em papel e/ou formato digital, disponíveis no sítio web de Primeira Linha na Internet: www.primeiralinha.org.

Decorridos mais de cinco anos desde a saída da nossa já esgotada primeira ediçom do Manifesto, chegou a altura de apresentarmos esta segunda ediçom, com a novidade de aparecer por fim adaptada ao padrom lingüístico plenamente reintegrado. Ela há de ter sem dúvida tam boa acolhida como a anterior, servindo aos mesmos objectivos revolucionários que nos unem com a tradiçom iniciada por Marx e Engels na Inglaterra de há cento e cinqüenta e cinco anos.

(Prólogo à ediçom galega de 2004)

Pequeno manual do guerrilheiro urbano

2007-12-19T17:17:00.001-08:00

Pequeno manual do guerrilheiro urbano

Autor/a: Carlos Marighella

ISBN: 84-933664-0-4
Nº de páginas: 37
Preço: 5 euros
Descriçom: O Manual do Guerrilheiro Urbano, que agora se publica pola vez primeira na Galiza, marcou os movimentos revolucionários guerrilheiros da década de sessenta e setenta, sendo traduzido a diversas línguas, e chegando a sua influência da América Latina até a Europa, África ou os países árabes.

Apresenta Marighella umha análise completa e detalhada da actividade de umha organizaçom guerrilheira na cidade, prestando atençom a diversos aspectos fundamentais para o sucesso das suas acçons.

A sua reflexom sobre a "violência" e o "terrorismo" é de plena actualidade, tendo em conta a actividade da resistência patriótica e antiimperialista no Iraque, mas aplicável a outras muitas latitudes: "Hoje, ser "violento" ou um "terrorista" é umha qualidade que enobrece qualquer pessoa honrada, porque é um acto digno de um revolucionário engajado na luita armada contra a vergonhosa ditadura militar e suas atrocidades".

Carlos Marighella

2007-12-19T17:15:00.000-08:00

Carlos Marighella nasce em Salvador de Bahia, no Brasil, em 5 de Dezembro de 1911. Aos 18 anos inicia a sua militáncia no Partido Comunista, que fora criado em 1922. Em 1932 ingressará pola primeira vez em prissom. Em 1945 é eleito deputado federal constituinte polo Estado de Bahia, fazendo parte da bancada comunista. Em 1948 passará à clandestinidade, nom voltando nunca mais à vida legal até o seu assassinato, a maos da polícia, em 4 de Novembro de 1969. Em 1967, logo de ter abandonado o PCB, criticando o seu imobilismo e a sua política de moderaçom e subordinaçom à burguesia, e defendendo que ninguém precisa de pedir licença para praticar actos revolucionários, fundará a Acçom Libertadora Nacional (ALN), organizaçom armada que desenvolverá diversas acçons contra a ditadura militar.

Nom só desenvolveu durante a sua vida um intenso labor político práctico, como também prestou atençom à formaçom teórica, escrevendo diversas obras, para além da que agora Abente Editora publica: "Problemas e princípios de estratégia", "Sobre a funçom orgánica da violência revolucionária", "Sobre a guerrilha rural", "Tácticas e operaçons guerrilheiras", "Questons de organizaçom" , etc...

Galiza e a diversidade lingüística no mundo

2007-12-19T16:56:00.000-08:00

Galiza e a diversidade lingüística no mundo

Autor/a: Maurício Castro Lopes
ISBN:
Nº de páginas: 57
Preço: 6 euros

Descriçom: O caderno que agora damos a lume pretende servir a essa vontade. E fai-no num dos ámbitos principais na configuraçom identitária da naçom galega: a expressom da sua diferença, como alguém definiu o valor da língua no sentimento e a consciência nacionais de um povo. No caso da Galiza, a situaçom da nossa comunidade lingüística representa na actualidade com grande fidelidade o momento que vive o povo galego.

Se apenas umhas décadas atrás o nosso país conservava substancialmente boa parte da base material que a singulariza, na actualidade vivemos umha etapa dramática caracterizada pola perda acelerada de alguns dos ingredientes fundamentais da nossa nacionalidade, incluída a própria capacidade produtiva. E nom é fácil determinar se resulta mais grave a existência desse processo, ou a fraca consciência e a insuficiente resposta do conjunto da populaçom galega ante a entidade do mesmo.

Nem os sectores mais conscientizados acabam de assumir essa evidência, o que juntamente com a desarticulaçom social e o controlo ideológico imposto polo poder, acaba de gizar um quadro nada prometedor para a sobrevivência do nosso milenário povo.

Este texto tenta desentranhar algumhas das chaves que historicamente determinárom a situaçom presente do galego-português na Galiza, chegando à conclusom de que cumpre actualizar o diagnóstico sociolingüístico em funçom dos estudos mais recentes e das evidências que deitam sobre o estado actual da comunidade lingüística galega.

Para além da documentada análise da evoluçom sociolingüística na Galiza do último século, o autor propom algumhas das chaves que julga devem guiar umha resposta colectiva que ponha os meios para um verdadeiro processo de recuperaçom lingüística, partindo de umha tese fundamental: é à própria sociedade galega que corresponde impulsionar umha normalizaçom lingüística que seja digna de tal nome. Nem as instituiçons actuais, nem outras nascidas de umha dita releitura constitucional poderiam, mesmo que quigessem, substituir o protagonismo de umha comunidade consciente e articulada que aposta pola sua construçom.

Eis a transcendência do repto que todos e todas afrontamos no presente, e cujo sucesso ou fracasso marcará nas próximas décadas de jeito determinante que a Galiza seja engolida pola uniformizaçom capitalista ou poda compor, com o resto de povos do mundo, o grande e diverso mosaico das naçons e as pessoas livres.

Imagens

2007-12-19T16:49:00.001-08:00

Aprender e atrever-se a pensar bem. Receiturário útil e acaído para nom pensarmos como tont@s

2007-12-19T07:47:00.000-08:00

Aprender e atrever-se a pensar bem. Receiturário útil e acaído para nom pensarmos como tont@s

Autor/a: Iñaki Gil de San Vicente

ISBN:
Nº de páginas: 47
Preço: 6 euros
Descripçom: Este documento foi elaborado polo comunista basco Iñaki Gil de San Vicente na segunda metade de Setembro de 1997, e utilizado como texto base para um curso de formaçom ideológica, -o III Seminário de Marxismo-Leninismo-, organizado por Primeira Linha que leccionou o seu autor a 25 e 26 de Agosto de 2001.

O que agora apresentamos nom é mais que a traduçom deste documento com a incorporaçom, no final de cada um dos primeiro nove capítulos que o configuram, de umha série de perguntas adaptadas a concreta estrutura de classes galega e a situaçom do movimento independentista, socialista e antipatriarcal da Galiza.

Aguardando que seja útil e eficaz para a intervençom teórico-prática das revolucionárias e revolucionários galegos, a Abrente Editora considera importante reproduzir as reflexons que o autor realiza deste texto na Primavera de 2002, pois contribuem para reforçar os objectivos que persegue o manual Aprender e atrever-se a pensar bem. Receituário útil e oportuno para nom pensar como tont@s.

“Agora só é necessário acrescentar três explicaçons. Umha, nos quase cinco anos transcorridos de entom a agora, confirmárom-se tanto as razons “más”, quer dizer, as que provenhem do endurecimento dos ataques contra Euskal Herria e contra o conjunto da humanidade trabalhadora e oprimida, como as “boas”, quer dizer, as que confirmam que a pesar de que essa ferocidade se incremente também está a viver-se um aumento das luitas nom só resistentes e defensivas mas também criativas e ofensivas. Apreciamos, portanto, umha clara dialéctica entre contrários unidos na sua própria luita, o que, por sua vez, confirma e reforça a necessidade de melhorar os sistemas de pensamento bom, criativo e revolucionário, quer dizer, dialéctico.

Outra, e seguindo com esta linha, os quase cinco anos confirmárom também a dialecticidade do pensamento humano ao demonstrar as limitaçons do texto original. Nom é só que todo pensamento acaba superado pola evoluçom real mais cedo que tarde, como que, neste caso concreto, a urgência na redacçom impediu maiores precisons e impujo assumir alguns vazios e lacunas apreciáveis no texto. Se tivéssemos tido tempo para corrigir e enriquecer o texto, teríamos fundido vários capítulos, reordenando-os, feito algumhas correcçons óbvias e, sobretodo, enriquecido e alargado o capítulo sobre a dialéctica.

Além disto, por último, acrescentaríamos um capítulo de análise e síntese dos acontecimentos acaecidos durante o tempo transcorrido entre 1997 e início da Primavera de 2002, utilizando a “caixa de ferramentas” da dialéctica marxista, o menos mau e/ou melhor instrumento de transformaçom revolucionária e portanto de conhecimento, crítico e objectivo da realidade, criado até agora pola espécie humana.

Porém, preferiu-se publicá-lo assim, tal qual surgiu na primeira e urgente redacçom porque, em síntese, apesar das suas lógicas limitaçons e erros, conserva ainda a sua substancial valia. Mas, infelizmente, nom podemos anexar o dossier de quatro textos de ajuda de que se fala no texto. Esperamos que a iniciativa da gente que lê, usa e critica este pequeno manual compense tal deficiência recorrendo a outros materiais”.

O que todo revolucionário deve saber sobre a repressom

2007-12-19T07:43:00.001-08:00

O que todo revolucionário deve saber sobre a repressom

Autor/a: Victor Serge
ISBN: 84-930204-7-8
Nº de páginas: 45
Preço: 4 euros
Descriçom: O presente trabalho é a síntese do escrito por Vítor Serge, quem após a Revoluçom de Outubro entra nos arquivos da Okhrana, a polícia de Estado do czarismo. Eram os bons tempos da III Internacional, anteriores à sua burocratizaçom.

Longe de ser um documento histórico, das conclusons de Serge tiram-se nom poucas liçons para o presente. Em primeiro lugar, desmitifica o poder dos serviços de inteligência e polícias políticas. A Okhrana foi modelo de polícia de Estado para a sua época. Por exemplo, exportou as suas técnicas a nom poucos países. No entanto, na hora de confrontar-se com um movimento insurreccional deixou a nu a sua total impotência.

Em segundo lugar, muitas vezes teme-se o que nom se conhece; conhecer os fundamentos de toda a acçom repressiva sistemática e a sua metodologia permite conhecer de quê é que devemos acautelar-nos, mas também conhecer as impossibilidades das forças reaccionárias. Um outro acerto importante de Serge é pôr o acento na sistematicidade da repressom e em explicar a sua lógica interna. Isto permite advertir aos recém iniciados sobre as atitudes conspirativas que em nada ajudam. Finalmente, fornece singelas advertências que na sua essência continuam a ser válidas para os militantes: os conselhos a respeito dos correios bem podem ser aplicados hoje nos seus fundamentos em relaçom com os correios electrónicos, bem como com todos os mais.

A esquerda independentista galega (1977-1995)

2007-12-19T07:35:00.000-08:00

A esquerda independentista galega (1977-1995)

Autor/a: Noa Rios Bergantinhos
ISBN: 84-930204-9-4
Nº de páginas: 250
Preço: 18 euros
Descripçom: Com este novo volume da colecçom Construirmos Galiza, obra da Noa Rios Bergantinhos, prosseguimos com um dos objectivos tracejados pola Abrente Editora: contribuir para a recuperaçom da história do movimento de libertaçom nacional e social de género.

Este livro analisa a esquerda independentista no último quartel do século passado, mais concretamente no período 1976-1995, em que tem lugar o desenvolvimento da primeira etapa do independentismo após a guerra civil espanhola. Estruturado em quatro capítulos, a obra que tés nas maos realiza um rigoroso estudo da trajectória de umha etapa histórica muito próxima, convulsa, ocultada ou mitificada pola maioria d@s protagonistas, em funçom das suas particulares evoluçons políticas e pessoais.

Afastada da perseguiçom ingénua de umha virtual objectividade, a autora aprofunda e analisa com rigor e seriedade, utilizando umha profusa documentaçom -parcialmente publicada pola primeira vez no anexo documental- e variadas fontes historiográficas, a evoluçom, desenvolvimento, programas políticos, modelos e expressons organizativas, da história mais recente de um movimento que necessita conhecer, assumir e reconciliar-se com o legado do seu passado mais recente, no horizonte da superaçom e consolidaçom.

Como a maioria das obras desta chancela editorial, nom é umha obra convencional; embora a sua redacçom original parta de umha investigaçom académica, está concebida como um instrumento político que contribua para rearmar ideologicamente a esquerda independentista galega nos seus objectivos revolucionários.

Noa Rios Bergantinhos

2007-12-19T07:34:00.000-08:00

Noa Rios Bergantinhos é natural de Ponte Vedra, onde nasceu em 1977. Licenciada em História pola Universidade de Compostela, tem publicado A mulher no nacionalismo galego (1900-1936). Ideologia e realidade (Laiovento, 2001) e colaborado na parte histórica da obra colectiva Para umha Galiza independente, publicada pola Abrente Editora em 2000. Também é autora do mais completo ensaio histórico sobre o independentismo contemporáneo galego: A esquerda independentista galega (1977-1995), publicada também pola Abrente Editora no ano 2002.

Participante na fundaçom da entidade estudantil da esquerda independentista, AGIR, actualmente fai parte do Comité Central de Primeira Linha e da Direcçom Nacional de NÓS-Unidade Popular, além de exercer profissionalmente como trabalhadora do sector das artes gráficas.

Vladímir Ilich Uliánov

2007-12-19T07:32:00.001-08:00

Nascido na cidade russa de Simbirsk, situada na beira do rio Volga, no ano 1870, Vladímir Ilich Uliánov é umha figura chave na organizaçom do marxismo no contexto autocrático russo da viragem dos séculos XIX para XX, além de principal dirigente do movimento revolucionário que levou ao poder o Partido Bolchevique em 1917. Militante revolucionário desde 1892, promoveu a reunificaçom do Partido Operário Social-Democrata Russo, destruído pola repressom czarista e disperso em grupos locais, em torno da publicaçom de um jornal que servisse de armaçom. O projecto concretizou-se no jornal Iskra (faísca) e a revista teórica Zariá (abrente). É nesta época que escreve e publica Que fazer?

Já como dirigente do primeiro Estado operário após a breve experiênciad da Comuna de Paris, promoveu em 1919 a criaçom da Internacional Comunista, convencido da necessidade da vitória revolucionária na Europa como única garantia de êxito para a própria revoluçom soviética. O espalhamento revolucionário nom se produziu e o governo presidido por Lenine viu-se avocado à aprovaçom da NEP (parcial reinstauraçom da lógica económica capitalista). Nos seus derradeiros escritos, o próprio Lenine alertou contra a progressiva burocratizaçom do Partido Comunista e do Estado Soviético. Vladímir Ilich Uliánov morre em 24 de Janeiro de 1924, antes de cumprir os 54 anos.

Para além de Que fazer?, escrita em 1901 e publicada em 1902 (cuja primeira ediçom galega, a cargo da Abrente Editora, é de 2001), podemos salientar, entre a sua vasta produçom teórica, outras obras posteriores como Um passo em frente, dous passos atrás (1904), O imperialismo, fase superior do capitalismo (1916), Teses de Abril (1917) e O Estado e a Revoluçom (1917), também publicada pola primeira vez na Galiza pola Abrente Editora em 2002.

Que fazer seguido de O Estado e a Revoluçom

2007-12-19T07:28:00.000-08:00

Que fazer seguido de O Estado e a Revoluçom

Autor/a: V.I. Lenine
ISBN: 84-930204-4-3
Nº de páginas: 261
Preço: 18 euros
Descriçom: Escritos e publicados com três lustros de diferença, Que Fazer? Problemas candentes do nosso movimento (Outono de 1901-Fevereiro de 1902), e O Estado e a Revoluçom. A doutrina do marxismo sobre o Estado e as tarefas do proletariado na Revoluçom (Agosto-Setembro de 1917) som duas obras ineludíveis do pensamento revolucionário que Abrente Editora se congratula de poder editar no nosso idioma como segundo volume da colecçom Biblioteca Galega de Marxismo-Leninismo, que em 1997 tirava do prelo o Manifesto Comunista comemorando o 150 aniversário da sua publicaçom e iniciava a ambiciosa tarefa de publicar os clássicos do marxismo em galego.

O primeiro texto, redigido após o desterro siberiano imposto a Vladímir Ilich pola autocracia czarista, é umha obra de combate em que Lenine desenvolve a sua concepçom do Partido Comunista como umha organizaçom de luita cuja finalidade é contribuir para o triunfo da revoluçom socialista.

Um século depois da sua publicaçom, a vigência de Que Fazer?, –desprendido da sua inseparável análise conjuntural (regime autocrático, portanto o Partido Revolucionário deve ser clandestino; brutal repressom, portanto o Partido deve ser hierárquico e hiper-centralizado)–, é indiscutível. A concepçom leninista do Partido teorizada nesta obra clarifica que o partido revolucionário tem umhas tarefas concretas a nível estratégico, polo que deve canalizar todas as energias tácticas numha única direcçom: a destruiçom do modo de produçom capitalista mediante a orientaçom, direcçom e organizaçom política do sujeito revolucionário objectivamente interessado em atingi-lo, a classe trabalhadora.

Quando, no exílio filandês, nas vésperas da Revoluçom de Outubro, Lenine escreve O Estado e a Revoluçom, Vladímir Ilich achava-se em plena madurez intelectual e política, reconhecido nacional e internacionalmente como um dos dirigentes mais prestigiados e populares do Partido Bolchevique. Esta inconclusa obra foi concebida como umha necessária clarificaçom ideológica com que refutar as deturpaçons sobre a concepçom marxista do Estado que vinha popularizando a corrente oportunista da social-democracia, nomeadamente Kautsky e Bukhárine.

Francisco Martins Rodrigues

2007-12-19T07:27:00.000-08:00

Francisco Martins Rodrigues é director da revista comunista portuguesa Política Operária. Pola sua intensa actividade contra o fascismo foi preso pola PIDE, a polícia política da ditadura portuguesa, cinco vezes, num total de 12 anos de cadeia. Foi um dos fugados da prisom de Peniche em Janeiro de 1960.

Desde muito jovem participou activamente na luita polas liberdades e o socialismo. Formou parte da Comissom Executiva do PCP entre 1961 e 1963. Nesse ano abandonou o partido participando na criaçom do Comité Marxista-Leninista Português e da Frente de Acção Popular. Após o 25 de Abril contribui para a fundaçom da União Democrática Popular (UDP), e posteriormente do Partido Comunista Reconstruído (PCR). Em 1983 impulsiona a Política Operária.

Tem publicado diversos ensaios políticos, entre os que destacamos “Anti Dimitrov. 1935-1985 meio século de derrotas da revolução” (1985); “O futuro era agora. O movimento popular do 25 de Abril” (1994); “Abril traído” (1999). Autor de dúzias de artigos de opiniom, grande amigo da esquerda independentista galega, colabora assiduamente com a públicaçom periódica de Primeira Linha, Abrente, e tem participado nas VI e VIII Jornadas Independentistas Galegas também organizadas polo nosso partido.

O comunismo que aí vem

2007-12-19T07:24:00.000-08:00

O comunismo que aí vem

Autor/a: Francisco Martins Rodrigues
ISBN:
Nº de páginas: 284
Preço: 18 euros
Descriçom: O Comunismo que aí vem recolhe umha selecçom de vinte e dous artigos de opiniom, duas intervençons públicas realizadas nas Jornadas Independentistas Galegas organizadas por Primeira Linha, mais umha entrevista a Francisco Martins Rodrigues, dirigente comunista português, que sintetizam as preocupaçons e achegas teóricas realizadas nas últimas duas décadas.

Embora a temática seja variada, duas som as principais reflexons que se recolhem na coléctanea deste novo título da Biblioteca Galega de Marxismo-Leninismo da Abrente Editora.

Por um lado, as rigorosas e lúzidas análises e interpretaçons sobre a crise revolucionária que abalou Portugal entre o 25 de Abril de 1974 e o 25 de Novembro de 1975, incidindo nos limites genético-estruturais do processo revolucionário gestado num golpe militar.

E, em segundo lugar, umha crítica ao efeitos da doutrina dimitrovista aprovada no VII Congresso da Internacional Comunista, realizado em 1935, consistente na renúncia a construir plataformas políticas operárias, abandonando desta forma a validade do conceito leninista de hegemonia do proletariado, assim como umha leitura crítica da revoluçom bolchevique.

O livro inclui também a extensa entrevista que Carlos Morais realizou a Francisco Martins em Agosto de 2004, documento de grande interesse histórico e político para compreendermos algumhas das chaves e significado do 25 de Abril português, bem como a história e actualidade do movimento revolucionário em Portugal, através de um dos seus mais qualificados protagonistas e teóricos.

Socialismo e Independência. 17 textos de Lenine sobre os direitos nacionais

2007-12-19T07:20:00.000-08:00

Socialismo e Independência. 17 textos de Lenine sobre os direitos nacionais

Autor/a: V.I. Lenine
ISBN: 84-933664-3-9
Nº de páginas: 340
Preço: 20 euros

Descriçom: Muito se tem falado sobre a relaçom existente entre marxismo e nacionalismo. Diria-se que está já todo dito. Porém, numha altura em que semelha clara a superaçom, pola força dos factos, dos preconceitos relativos ao carácter transitório e circunstancial da problemática da luita pola liberdade nas naçons sem Estado, será bom acedermos directamente às fontes clássicas do marxismo no que a esta questom di respeito. Eis o sentido deste volume que agora apresentamos, como primeira aproximaçom desta temática na obra do teórico marxista que liderou a primeira revoluçom proletária triunfante, sendo também o mais avançado da altura quanto à assunçom dos direitos dos povos: Vladímir Illich Ulíanov, Lenine.

Naturalmente, Lenine nom encerra a lista de teóric@s marxistas dedicados a estudar e inovar na temática das luitas de libertaçom nacional. É antes quem abre um novo período na história dos movimentos revolucionários, que se estenderá ao longo do século XX e possibilitará o ensaio, também na Europa, de processos de emancipaçom social em que a liberdade nacional ocupará lugar de destaque, quer na concepçom, quer no desenvolvimento.

Propomos a leitura directa do pensamento de Lenine sobre a questom nacional nom como apreensom acrítica de fórmulas fechadas ou modelo teórico rígido e inquestionável. É claro que as limitaçons da posiçom do grande revolucionário russo nom conseguem ocultar o valor da sua histórica aposta pola liberdade dos povos face às posiçons de desconsideraçom e até desprezo maioritárias nos círculos marxistas da altura.

Carlos Taibo

2007-12-19T07:18:00.001-08:00

Carlos Taibo é professor de Ciência Política na Universidade Autónoma de Madrid. Tem publicado, em galego-português, O castelo de fogos (Novo Século, Íria Flávia, 1991); Europa sen folgos (Sotelo Blanco, Compostela, 1994); A nova desorde internacional (Abrente Editora, Compostela, 1998); Un novo Terceiro Mundo? (Ludus, Corunha, 1999); A desintegración de Iugoslavia (Xerais, Vigo, 2000); Imperio norteamericano e resistencia global (3C3, Santa Comba, 2003); A guerra santa, e petroleira, de Bush filho (Ateneu, Pontevedra, 2003), e Os movementos de resistencia fronte á globalización capitalista (Xerais, Vigo, 2005).

Os seus últimos livros em espanhol som Crítica de la Unión Europea. Argumentos para la izquierda que resiste (Catarata, Madrid, 2006); Rapiña global. Una introdución a la política internacional contemporánea (Punto de lectura, Madrid, 2006) e, junto com o escritor José Luís Sampedro, Sobre política, mercado y convivencia (Catarata, Madrid, 2006).

Colaborador habitual das iniciativas unitárias da esquerda soberanista galega, foi em 2003 um dos promotores das Bases Democráticas Galegas.

Michael Löwy

2007-12-19T07:16:00.000-08:00

Michael Löwy nasceu em São Paulo em 1938, filho de imigrantes originários de Viena. Licenciado em Ciências Sociais na Universidade de São Paulo em 1960, participou nessa época no seminário de estudos de O Capital, de Marx.

Foi um dos fundadores da organizaçom Política Operária (Polop) em 1960.

Doutorou-se na Sorbonne em 1964 com umha tese sobre o jovem Marx. Reside em Paris desde 1969 onde trabalha como director de pesquisas no CNRS (Centre National de la Recherche Scientifique). Dirige um seminário na Ecole des Hautes Etudes en Sciencies Sociales.

É autor de dúzias de livros e artigos sobre marxismo em 22 idiomas, especializado na questom nacional, com destaque “Marxismo na América Latina, uma antologia de 1909 aos dias atuais” (São Paulo: Fundação Perseu Abramo, 2006). Tem publicado em galego “Patria ou terra nai?. Ensaios sobre a cuestion nacional” (Compostela: Laiovento, 1999), junto ao mais recente O pensamento de Che Guevara, editado pola Abrente Editora em 2007.

Actualmente milita na LCR do Estado francês e no Secretariado Unificado da IV Internacional. Tem participado como relator na VIII, IX e XVI ediçom da Semana Galega de Filosofia, realizadas em 1991, 1992 e 1999 em Ponte Vedra, e nas XI Jornadas Independentistas Galegas, dedicadas à figura de Che Guevara e organizadas na capital da Galiza por Primeira Linha em 2007.

A Galiza do Século XXI. Ensaios para a Revoluçom Galega

2007-12-19T07:09:00.000-08:00

A Galiza do Século XXI. Ensaios para a Revoluçom Galega

Autor/a: VVAA
ISBN:
Nº de páginas: 170
Preço: 12 euros
Descriçom: Estes nove ensaios, realizados por activistas políticos e sociais, por historiadores, de ópticas político-ideológicas diversas, tentam compreender melhor a complexidade do nosso presente e contribuir assim para o desenvolvimento e avanço da Revoluçom Galega.

A ordenaçom dos mesmos é um tanto arbitrária. Talvez deva dizer-se que os três primeiros se complementam ao abordarem a Galiza como naçom na globalizaçom neoliberal, o papel da esquerda independentista, a denúncia do nacionalismo interclassista e a reivindicaçom da classe obreira galega. Os dous que se seguem poderiam formar um bloco por reclamarem a memória histórica em contra da amnésia social e de leituras interesseiras do passado recente e por exigirem uns mass media próprios que tirem a nossa naçom da desmemória e de umha existência satelizada. Os dous que venhem a continuaçom centram-se de forma específica na questom da autodeterminaçom; e os dous que encerram o livro fam chamados em contra da predaçom do planeta, da nossa terra e da nossa língua, pois a situaçom é dramática. Mas a disposiçom é o de menos e o leitor ou leitora pode escolher.

Domingos Antom Garcia é professor de Filosofia e presidiu a Aula Castelao de Filosofia de Ponte Vedra.

Carlos Taibo é analista de política internacional e professor de Ciência Política na Universidade Autónoma de Madrid.

Carlos Morais é secretário-geral de Primeira Linha.

Carlos F. Velasco Souto é historiador do movimento operário galego e professor de História na Universidade da Corunha.

Ángel Rodríguez Gallardo é historiador e professor da Universidade de Vigo.

Marta Rodrigues é jornalista.

Bráulio Amaro é um dos co-porta-vozes de Causa Galiza.

Francisco Martins Rodrigues é director da revista comunista portuguesa Política Operária.

José Maria Garcia Vila Verde é militante ecopacifista.

Maurício Castro é porta-voz nacional de NÓS-Unidade Popular.

Diário da Bolívia

2007-12-19T07:05:00.000-08:00

Diário da Bolívia

Autor/a: Ernesto Che Guevara
ISBN: 84-933664-9-8
Nº de páginas: 221
Preço: 18 euros
Descriçom: O Diário da Bolívia, um conjunto de textos que conformam o diário da campanha guerrilheira iniciado a 7 de Novembro de 1966 e finalizado a 7 de Outubro de 1967, da autoria de Enesto Che Guevara, acabou de ser publicado pola primeira vez em galego-português da Galiza pola Abrente Editora.

O livro vai acompanhado por outros cinco documentos. Em primeiro lugar inclui, polo seu interesse, a Carta de despedida do Che a Fidel Castro escrita em Abril de 1965 e difundida a 3 de Outubro desse ano, seguido do discurso de Fidel na velada solene em memória do Che realizada em 18 de Outubro de 1967; posteriormente, reproduz a introduçom de Fidel à primeira ediçom cubana do Diário, e a “Mensagem aos povos do mundo” do Che, transmitida na reuniom da Tricontinental realizada em Havana em Abril de 1967, embora escrita antes da sua ida para a Bolívia. Finalmente, também recolhe os 5 comunicados do ELN e umha série de documentos gráficos: mapas e fotografias.

Graças a este documento histórico, podemos compreender e sentir o que foi umha das maiores epopeias da segunda metade do século XX. Contrariamente ao que se pode pensar, o Diário da Bolívia nom é um texto frio e impessoal; transmite sentimentos e emoçons, mesmo às vezes permite certas licenças literárias e poéticas, e até nom renuncia ao humor, como quando recolhe que Radio Habana informa que a reuniom da OLAS recebeu um mensagem de apoio do ELN mediante “um milagre de telepatia”. Em todo o momento, o Diário exprime as reflexons carregadas de realismo de um homem consciente do que fai, entregado completamente à causa da emancipaçom humana, mas que nunca pensou que as suas breves pinceladas seriam publicadas e lidas por milhons de pessoas.

Dez por dez

2007-12-19T07:01:00.000-08:00

Dez por dez

Autor/a: VVAA
ISBN: 84-9333664-8-x
Nº de páginas: 134
Preço: 5 euros
Descriçom: Com este título, a Abrente Editora estreia a sua nova colecçom Cabeça de Égua, destinada à publicaçom de textos de criaçom literária. Coincidindo com a comemoraçom do X Aniversário da fundaçom de Primeira Linha, solicitamos a dez poetas umha colaboraçom para ser publicada baixo o nome conjunto de “Dez por dez”. Eis o resultado.

A literatura galega, as escritoras e escritores galegos, tenhem umha longa tradiçom de intervençom sociopolítica e de colaboraçom com diversas entidades populares, tanto políticas como sindicais, sociais, juvenis, etc... Nessa tradiçom é onde pretendemos que se insira nom só este livro, mas o conjunto da colecçom que agora começa, com estes poemas de Artur Alonso Novelhe, Suso Bahamonde, Maria Lado, Igor Lugris, Kiko Neves, Carlos Quiroga, Baldo Ramos, Concha Rousia, Séchu Sende e Ramiro Vidal.

Situada entre as comarcas da Cabreira e o Berzo, com 2.135 metros, Cabeça de Égua é o nosso particular Everest, o mais elevado cume do País, o teito da Galiza. Abrente Editora pretende dando este nome a nossa nova colecçom literária, contribuir para superar o desconhecimento que umha boa parte das galegas e galegos possuem de umha naçom negada por mais de 500 anos de assimilaçom, até o extremo de querer amputar-nos umha boa parte do território, onde a resistência popular armada à ditadura franquista escreveu algumhas das suas páginas mais brilhantes.

O pensamento de Che Guevara

2007-12-19T06:58:00.000-08:00

O pensamento de Che Guevara

Autor/a: Michael Löwy
ISBN:
Nº de páginas: 144
Preço: 12 euros
Descriçom: O Che que nos apresenta o companheiro Löwy nom é essa imagem de camisola adolescente, nem o idealista romántico, nem sequer só o guerrilheiro heróico, mas um dirigente comunista de primeiro nível.

Reivindicamos esse Guevara que já na década de 60 advertiu os perigos da degeneraçom burocrática do modelo soviético e nom renunciou em momento nengum ao objectivo da superaçom do capitalismo.

Hoje, quando o movimento revolucionário parece começar a se levantar dentre o entulho do muro de Berlim, é tempo de reflectir criticamente sobre os erros e acertos das etapas passadas. O cainismo e o sectarismo fôrom um mal que minou a efectividade das revolucionarias e os revolucionários em todo o mundo, e nom sobeja umha autocrítica em que se reconheça que, em multitude de ocasions, o nom entendimento entre as diferentes correntes, partidos e fracçons que hasteárom a bandeira da fouce e o martelo deveu-se mais a um simples ódio de seita do que a um confronto real entre tendências divergentes de entender e praticar a acçom política.

A Abrente Editora publica agora esta obra de Michael Löwy, reconhecido investigador marxista. Um livro que foi escrito em 1969, após só dous anos da morte de Che, e publicado em português pola editora Bertrand em meados da década de 70. No Brasil nom foi publicado até 1999 pola Editora Expressao Popular a causa da censura a que se viu submetido pola ditadura militar. Com autorizaçom do autor, nesta ocasiom publicamos integralmente a obra originária de 1969, acompanhada polo texto “Nem decalque nem cópia: Che Guevara na procura de um novo socialismo”, difundido em Junho de 2001 na Conferência Anual da Fundaçom Che Guevara realizada em Itália.